1386. Juni 22. Oppeln

Ladislaus dei gracia dux Opuliensis Welunensis Cuyauiensis Dobrinensis etc. Notumfacimus tenore presencium Universis, quod nos inter religiosos Mathiam prepositum et totum conventum Monasterii Domusdei alias Czarnowans parte ab una et ex altera dominam Margaretham relictam quondam Johannis Waynknecht super diversis et singulis debitis per dictum Johannem Waynknecht existens procurator dicti Monasterii quomodolibet contractis, et super universis questionibus et obiectis inter dictas partes exortis, Plenam et perpetuam de expresso consensu et beneplacito ipsarum parcium concordiam fecimus et tractavimus isto modo, quod prefata Margaretha omnia et singula debita per dictum Johannem Waynknecht maritum ipsius tempore sue procuracionis ex parte dicti Monasterii contracta solvere debeat plenarie et in toto, Excepto Nicolao Tylmanni Cive Opuliense cui prepositus et conventus Monasterii predicti totum debitum solvere tenebuntur. Hoc eciam adiecto, quod ipse prepositus et conventus vigintitres marcas grossorum et quatuordecim denarios, infra hinc et duas septimanas post nunc instans festum sancti Martini Episcopi et confessoris prenominate Margarethe absque omni dilacionis et contradiccionis obstaculo solvere sint astricti et cum hoc una dictarum parcium ab omni arrestacione questione impeticione et accione Juris et facti a parte altera perpetuis temporibus totaliter sit soluta Presencium sub nostri sigilli appensione testimonio litterarum. Actum et Datum Opol Anno domini Millesimo Trecentesimo Octuagesimo sexto proxima feria sexta post festum Corporis Cristi. Presentibus dominis Nicolao Mroczkonis de Marschowicz Custode, Heidano de Baruth Canonico et Victore Capit. Opuliensibus, Franczkone Bingnew Magistro Curie, Ymramo de Lanka et domino Nicolao Ticzkonis Canonico Opuliense Canczellario nostro qui presencia habuit in commissis.

Mit anhangendem Wappensiegel.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.